Mjèh euver os

C.V Op Hènj en Veut, eine groep vol enthousiaste jong luuj oet Aelse. De groep besjteit al eine hjèlle lange tied, omdat 90% van de leeje al jaore mitein voetbalde in de jeug van Haslou, de plaatselijke voetbalclub. Ze leepe al mit in de optoch van Aelse toen hunne trainer, Angelo Everaers, Jubileumprins woort van de Sajelaire, en leete zich al nadrukkelik zeen in ’t Aelserse Vastelaoves gebäöre. Nao ein aantal jaore ontsjtong biej de jeug-aafdeiling van Haslou ’t idee om eine prins van Haslou oet te roope en eine raod van èllef saame te sjtèlle. De jonges van de toenmalige A1 van Haslou höbbe dees taake op zich genomme en onger leiding van wijlen Ronald Vossen, woort Stefan Frusch es jètste prins van Haslou oetgeroope. Neet lang nao de oetreuping van Stefan Frusch es prins woort de naam C.V. op hènj en veut bedach veur de raod van èllef. De naam refereert nao ’t heives komme nao eine gooje aovend op sjtap in Aelse, op hènj en veut dus. ’t Jètste jaor onger prins Stefan Frusch de jètste, of wie Jo d’n Daom vaak zei: Prins Frusch de Tsjwèdde, waor ein gigantisch sukses.